Land
Sími: 520 5310
Spurningar
Opnunartími skrifstofu

Mánudag - föstudag 08:30-16.00
Sími: 520 5310
Netfang: radgjafar@infomentor.is

Algengar spurningar frá kennurum og starfsfólki skóla

Ef þú finnur ekki svar þitt hér fyrir neðan getur þú annað hvort leitað ráða á skrifstofu skólans eða skólastjórnendur með því að hafa samband við okkur hjá Mentor.
 
Ég hef tapað upplýsingum til að skrá mig inn, hvað geri ég?
Þú getur beðið skólastjórnanda um að gefa þér nýtt lykilorð.

Ég er byrjandi, hvar finn ég upplýsingar um kerfið?
Handbók er aðgegnileg inni í kerfinu. Smella þarf á hnappinn – Handbók – til vinstri á skjánum og þá opnast hún. Eins má skoða stutt kennslumyndbönd sem eru aðgengileg hér á síðunni okkar.

Hvað þarf ég að gera sem kennari?
Sem kennari berð þú ábyrgð á árangri nemenda þinna í námi. Það felur í sér að þú þarft að setja upp áætlun sem hæfir hverjum og einum nemenda og það þarf að gera í samstarfi bæði við nemendur, foreldra og aðra kennara. Þú berð einnig ábyrgð á upplýsingagjöf til nemenda og foreldra þannig að allir aðilar séu vel upplýstir um framgang námsins.

Ég get ekki afritað áætlun frá öðrum skóla. Hver er skýringin?
Líklegasta skýringin er sú að skólarnir noti sitt hvora uppsetninguna á áætlunum. Þær þurfa að vera nákvæmlega eins til þess að hægt sé að afrita þær.

Ég get ekki metið alla mína nemendur í einu/hópamat. Af hverju?
Skýringin á því er sú að þínir nemendur eru ekki allir í sama árgangi. Þú þarft því að skipta þeim upp í tilheyrandi árganga innan þessa hóps. Fáðu aðstoð hjá þeim sem hefur aðgang að kerfisstjórn og hópaumsjón innan skólans til þess að skipta hópnum.

Af hverju eru ekki allar námsgreinar aðgengilegar í áætlunum?
Ef engin áætlun fyrir tiltekna námsgrein hefur verið stofnuð hjá skólanum er ekki hægt að leita eftir henni. Flettiglugginn sýnir bara þær námsgreinar sem áætlanir hafa verið gerðar fyrir.
 
Eftir 40 mínútur er notandi skráður út úr kerfinu ef hann hefur ekki verið virkur. Hvað er hægt að gera til að forðast það?
Eftst á skjánum, aftan við nafnið þitt sérðu fjölda mínútna sem þú getur verið óvirkur án þess að vera skráður út, alls 40 mínútur. Ef smellt er á örvahringinn hægra megin við klukkuna byrjar klukkan frá 40 mínútum og notandi getur unnið rólegur að t.d. leiðsagnarmati sem hann þarf góðan tíma í.

Ég á í vandræðum með a vista í Mentor og stundum dett ég út úr kerfinu án þess að virknitíminn sé liðinn. Hver er ástæðan?
Þetta getur gerst þegar notandi er að vinna í tveimur gluggum í einu, þ.e.a.s. er skráður oftar en einu sinni inn í kerfið á sama tíma. Sama má segja ef þú hefur skráð þig inn annars vegar sem kennari og hins vegar sem foreldri. Við þær aðstæður kemur upp truflun í kerfinu og þú ert skráður út úr því.
 
Hvernig stofna ég mína eigin hópa?
Kennarar hafa yfirleitt aðgang að þeim bekkjum og hópum sem þeir eru að kenna skv. stundaskrá og oft vilja þeir geta skipt bekk upp í nokkra minni hópa. Það er gert með því að hægri smella á -Mínir hópar- sem er sýnilegt neðst í hópatrénu. Síðan er hópur skráður og nemendur eru síðan dregnir úr bekknum inn í þennan hóp. Nemendur hverfa ekki úr bekknum og sami nemandinn getur verið í mörgum hópum. Þessa hópa sér aðeins kennarinn sem stofnaði þá en ef fleiri kennarar vilja hafa aðgang að þessum hópum er best að fá stjórnanda til að stofna þá í hópatré og gera þá sýnilega fyrir þeim.
 
Hvernig sendi ég ástundunaryfirlit til foreldra?
Um er að ræða einfalda aðgerð. Fara í Hópar, haka við bekkinn eða tiltekna nemendur, smella á „Senda ástundun í pósti“, velja tímabil og smella á „senda“. Foreldrar fá ástundunaryfirlitið fyrir barnið sitt sent í tölvupósti. Kennara gefst kostur á að skrá umsögn með fyrir hvern og einn nemanda og það sjá þá aðeins tilteknir foreldrar.
 
Eftir hverju raðast verkefni í verkefnabók?
Þau raðast eftir dagsetningu. Því er um að gera að setja mismunandi dagsetningar á verkefni þó svo að þau séu öll stofnuð sama dag. 
 
Hvernig er hægt að skrá heimavinnuáætlun á einstakling?
Hægt er að gera heimavinnuáætlun fyrir einstaklinga. Gert á sama hátt og á hópa og bekki nema að þegar búið er að velja hópinn er farið í „Velja nemendur“ og hakað við nemandann.